कमल कोपिला
५ चैत्र कालिकोट । जनचेतना बहुमुखी क्याम्पस, मेहलमुडी कालिकोटमा सम्पन्न स्ववियु निर्वाचन २०८१ मा अखिल (क्रान्तिकारी) ले बहुमतसहित विजय हासिल गरेको छ।
जम्मा १९७ मत खसेको यो निर्वाचनमा अध्यक्ष, सचिव, कोषाध्यक्षसहित विभिन्न पदमा अखिल (क्रान्तिकारी) का उम्मेदवार विजयी भएका छन्। अध्यक्ष पदमा अखिल (क्रान्तिकारी) का बसराज बोहराले १०६ मत प्राप्त गर्दै अनेरास्ववियुका अम्मराज बराललाई पराजित गरे, जसले ८६ मत प्राप्त गरे। सचिवमा धुर्बराज संज्याल ११९ मतसहित विजयी हुँदा, नेविसंघका रमेश बुढाले ६५ मत प्राप्त गरे। कोषाध्यक्ष पदमा अखिल (क्रान्तिकारी) की अग्निजा आचार्य ११६ मत ल्याएर निर्वाचित भइन् भने अनेरास्ववियुकी बिन्दा शाहीले ७० मत पाइन्।
सदस्य पदमा पनि अखिल (क्रान्तिकारी) ले अग्रता कायम राख्यो। सुमितराज कार्की (१०६ मत) र शोभा सार्की (८९ मत) निर्वाचित भए। अन्य निर्वाचित सदस्यहरूमा प्रेम ब. शाही (९९ मत, नेक्राविसंघ), पविता धामी (९८ मत, अखिल समाजवादी), र राधिका फर्साल (१०१ मत, अनेरास्ववियु) रहेका छन्।
यसैबीच, कालिकोटकै नन्दादेवी बहुमुखी क्याम्पसमा भने स्ववियु निर्वाचन स्थगित गरिएको छ। समाजवादी मोर्चा निकट विद्यार्थी संगठनले मताधिकार हनन भएको भन्दै क्याम्पसमा ताला लगाएका थिए।
About Author
