कमल कोपिला ।
२० चैत्र २०८१ कालिकोट । नेकपा माओवादी केन्द्र निकट संगठन, नेपाल दलित मुक्ती मोर्चा नरहरिनाथ गाउँपालिकाको दोस्रो सम्मेलन भव्य रुपमा सम्पन्न भएको छ । नेपाल दलित मुक्ती मोर्चा गाउँकमिटी नरहरिनाथका अध्यक्ष गणेश बिकको अध्यक्षतामा सम्पन्न भएको उक्त सम्मेलनमा पार्टी प्रदेश कमिटी सचिवालय सदस्य खड्गराज सेजुवाल क. विश्वप्रकाश प्रमुख अतिथिको रुपमा उपस्थित रहनुभएको थियो ।
सो अवसरमा पार्टी प्रदेश कमिटी सचिवालय सदस्य अग्र बहादुर बिस्ट ‘सुनिल’, मनशोभा बुढा ‘आशा’ विशेष अतिथिहरुका रुपमा उपस्थित रहनुभएको थियो । त्यस्तै, पार्टी प्रदेश कमिटी सदस्य भरत ब बिक क. ‘आकाश’, कमल कुमार शाह ‘लिला’, करबिरे कामी क. ‘कल्याण’, पार्टी वैकल्पिक प्रदेश सदस्य नवराज उपाध्याय ‘असिम’, नेपाल दलित मुक्ती मोर्चा जिल्ला संयोजक सर्जन चदारा, नरहरिनाथका पार्टी अध्यक्ष पौराम कामी ‘बिन’, पार्टी वरिष्ठ उपाध्यक्ष जगत ब बिस्ट ‘निर्माण’ तथा अन्य नेताहरु कटक बहादुर बुढा, दमन बिस्ट, पंख ब बिस्ट, सत्यदेवी बुढा ‘भावना’ लगायतका नेताहरूको आतिथ्यमा सम्मेलन सम्पन्न भएको थियो ।
सम्मेलनले सर्वसम्मत रूपमा पुर्ण ब दर्जीलाई अध्यक्ष चयन गर्दै २९ सदस्यीय नयाँ कमिटी निर्वाचित गरेको छ। नव कमिटी उपाध्यक्ष पदमा जमना बिक र कमल बिक, सचिवमा सुनिता सुनार, कोषाध्यक्षमा पबि बिक तथा सह-सचिवमा रमेश दर्जी चयन भएका छन् । नव निर्वाचित सम्पूर्ण सदस्यहरूले शपथ ग्रहण समेत गरेका छन् ।
कार्यक्रमलाई सम्बोधन गर्दै प्रमुख अतिथि क. विश्वप्रकाशले दलित मुक्तिको आन्दोलनलाई अझ सशक्त बनाउने प्रतिबद्धता व्यक्त गर्नुभयो । विशेष अतिथि अग्र बहादुर बिस्ट सुनिलले दलित समुदायको हक अधिकार सुनिश्चित गर्न संगठनले अझ बलियो अभियान सञ्चालन गर्नुपर्ने बताउनुभयो । उहाँले समाजमा रहेका विभेदहरू अन्त्य गर्न दलित मुक्ती मोर्चाले महत्त्वपूर्ण भूमिका खेल्नुपर्ने धारणा राख्नुभयो । विशेष अतिथि मनशोभा बुढा आशाले दलित महिला सशक्तिकरण र समानता स्थापनाका लागि संगठनले ठोस कदम चाल्नुपर्ने बताउनुभयो । उहाँले विशेष गरी ग्रामीण क्षेत्रका दलित महिलाहरूको आर्थिक, सामाजिक र राजनीतिक सशक्तिकरणमा संगठनको प्रभावकारी सहभागिता आवश्यक रहेको उल्लेख गर्नुभयो ।
अन्य अतिथिहरुले सम्मेलन दलित समुदायको हकहित र अधिकारका सवालमा ठोस योजना निर्माण गर्दै निष्कर्षमा पुगेको बताउँदै नव निर्वाचित नेतृत्वलाई सफल कार्यकालका लागि शुभकामना दिएका छन ।
कार्यक्रममा स्थानीय तथा आमन्त्रित कलाकारहरूले बेजोड सांस्कृतिक प्रस्तुति दिएका थिए । दलित समुदायको सांस्कृतिक पहिचान झल्कने नृत्य तथा गीतहरूले सहभागीहरूलाई मनोरञ्जन प्रदान गरेको थियो।
सम्मेलन दलित समुदायको सशक्तीकरण, समानता र अधिकार स्थापनाका लागि महत्वपूर्ण मञ्च बनेको सहभागीहरूले बताएका छन्।
About Author
कमल कोपिला
कमल कोपिला कालिकोटमा जन्मिएर पत्रकारिता गर्दछन। उनि नेपाल पत्रकार महासंघ कालिकोटको उपाध्यक्ष हुन । कालिकोटको स्थानीय तह नरहरिनाथ गाउँपालिका द्वारा संञ्चालित रेडियो सुनथराली एफ एमका स्टेसन म्यानेजर पनि हुन।
