टिकाराज उपाध्याय
२२ चैत्र कालिकोट । जिल्लाको रास्कोट नगरपालिकामा न्यायिक समिति सम्बन्धि एक दिने न्यायिक क्षमता अभिवृद्धि कार्यक्रम सम्पन्न भएको छ। नगर उपप्रमुख तथा न्यायिक समिति संयोजक मनिराज बराल ज्यूको अध्यक्षतामा सम्पन्न भएको हो।
कार्यक्रममा जिल्ला न्यायाधीश श्रीमान डोलनाथ न्यौपाने, निमित्त प्रमुख प्रशासकीय अधिकृत विनोद सुबेदी, वडा नं. १ देखि ९ का वडा अध्यक्षहरू तथा वडा मिलमिलाप समितिका सदस्यहरूको सक्रिय उपस्थिति रहेको थियो।
उक्त कार्यक्रममा न्यायसम्बन्धी अधिकार, कानुनी प्रक्रिया, मिलमिलाप समितिको भूमिका तथा न्यायिक समितिको कार्यदायित्व लगायतका विषयमा प्रशिक्षण तथा छलफल गरिएको थियो।
जिल्ला न्यायाधीश डा. न्यौपानेले स्थानीय तहमा न्यायिक समिति र मिलमिलाप समितिको भूमिकालाई थप प्रभावकारी बनाउन यस्ता कार्यक्रम महत्वपूर्ण हुने बताउँदै सहभागीलाई न्यायिक प्रक्रियामा पारदर्शिता र निष्पक्षताको आवश्यकतालाई प्राथमिकतामा राख्न सुझाव दिनुभएको थियो।
कार्यक्रमले स्थानीय तहमा न्यायिक समितिको कार्यसम्पादनमा थप स्पष्टता ल्याउने विश्वास लिइएको छ।
About Author
