मंगलवार २४ फाल्गुण २०७९ ।
कमल कोपिला कालिकोट। केहि वर्ष अगाडिका दिनहरुमा नरहरिनाथ गाउँपालिकामा एम्बुलेन्स नहुदा बिरामिलाई काठमा बाधेर बोकेर लैजादै गरेका तस्विरहरु सामाजिक सञ्जालमा भाईरल हुन्थे । कतिपय बिरामिले त अकालमै ज्यान पनि गुमाउनु परेको खबरहरु सुन्न पर्थ्यो। तर अब नरहरिनाथ गाउँपालिकाका नागरिकहरुमा त्यस्तो नहोला कि भन्ने विश्वास जागेको छ।
नेपाल रेडक्रस सोसाईटि उप-शाखा नरहरिनाथ र गाउँपालिकाको बिशेष पहलमा गाउँपालिकाले एम्बुलेन्स सेवा सञ्चालन गर्ने भएको छ । नेपाल रेडक्रसको अन्तर्राष्ट्रिय महासंघको सहयोगमा नेपाल रेडक्रस सोसाइटी केन्द्रले नरहरिनाथ गाउँपालिकामा एम्बुलेन्स सेवा सञ्चालन गर्ने भएको हो।
नरहरिनाथ गाउँपालिका र नेपाल रेडक्रस उपशाखा नरहरिनाथले साझेदारिमा एम्बुलेन्स सञ्चालन गर्न लागेको नेपाल रेडक्रस कालिकोट जिल्ला शाखाका मन्त्रि तपेन्द्र महताराले जानकारी दिनुभएको छ।
गाउँपालिकामा एम्बुलेन्स अति आवश्यक रहेका बेला रेडक्रसले एम्बुलेन्स दिएकोले आफ्ना नागरिकले अकालमै ज्यान गुमाउनबाट बञ्चित हुने र बिरामीले एम्बुलेन्स सेवा पाउने भएकोले आफु निकै खुशि भएको गाउँपालिकाका अध्यक्ष नगेन्द्र बहादुर बिष्टले बताउनुभएको छ। साथै एम्बुलेन्स सञ्चालनका लागि सञ्चालक समिति गठन गर्ने र बिरामीलाई सहुलियत दरमा भाडादर कायम गरिने पनि बताउनुभयो ।
नेपाल रेडक्रसको अन्तर्राष्ट्रिय महासंघको सहयोगमा नेपाल रेडक्रस सोसाइटी केन्द्रद्वारा कालिकोट जिल्लाको नरहरिनाथ गाउँपालिका र नरहरिनाथ उपशाखाले संचालन गर्ने गरि IFRC का महासचिव जगन्नाथ चापागाईले आज नरहरिनाथ गाउँपालिकाका अध्यक्ष नगेन्द्र बहादुर बिस्ट र रेडक्रस उपशाखा नरहरिनाथका सभापति राम बहादुर बटालालाई साबिक कर्णालीकै पहिलो “ख” श्रेणीको एम्बुलेन्स हस्तान्तरण गर्नुभएको मन्त्रि महताराले बताउनुभयो।
About Author
