बुधवार २७ मंसिर २०८०
कमल कोपिला
प्रमुख प्रतिपक्षी दल नेकपा एमालेको सङ्कल्प यात्राले संसदीय समिति प्रभावित बनेको छ । फास्ट ट्र्याक, जन्ममिति विवादलगायत विषयमा राज्य व्यवस्था तथा सुशासन समितिमा आज डाकिएका प्रधान सेनापति प्रभुराम शर्मालाई ४ गते बोलाइने भएको छ ।
यसअघिकै बैठकमा समिति सदस्य एवं एमाले सांसद रघुजी पन्तले एमालेको सङ्कल्प यात्राका कारण अधिकांश समिति सदस्यहरू उतै व्यस्त भएका कारण मिति सार्नुपर्ने जनाउ दिएका थिए । त्यसैगरी २५ गते नै प्रधानमन्त्री पुष्पकमल दाहाललाई डाकिएकोमा प्रतिपक्षी सांसदहरूकै कारण पुस ३ मा सार्नुपरेको जानकारी समिति सभापति रामहरि खतिवडाले दिए ।
नेपाली कांग्रेसका ओखलढुङ्गाका सांसदसमेत रहेका खतिवडाले रातोपाटीसँग भने,‘ एमालेका सांसदहरू सङ्कल्प यात्रामा व्यस्त रहेकाले समितिको बैठक सानुपर्यो ।’ समितिले एनसेल प्रकरणमा जवाफ दिन प्रधानमन्त्रीलाई बोलाउने भएको हो ।
About Author
